«Մանչեսթեր Սիթիի» կիսապաշտպան Կևին Դե Բրույնեն չի կարողանա օգնել թիմին Պրեմիեր լիգայի 5-րդ տուրի «Արսենալի» դեմ առաջիկա խաղում։
Բելգիացին Չեմպիոնների լիգայի առաջին տուրի «Ինտերի» հետ հանդիպման ընդմիջմանը (0:0) փոխարինվեց վնասվածքի պատճառով։ Լրագրող Դեյվիդ Մակդոնելի հաղորդմամբ, դե Բրույնեն անկասկած բաց կթողնի «Արսենալի» դեմ հանդիպումը, որը կկայանա կիրակի օրը։
Սպասվում է, որ 33-ամյա խաղացողը շուտով կկարողանա խաղադաշտ վերադառնալ, սակայն «Մանչեսթեր Սիթին» չի ցանկանում վտանգել նրա առողջությունը։
Ընթացիկ մրցաշրջանում բելգիացին «Քաղաքայինների» կազմում մասնակցել է 6 հանդիպման՝ դառնալով 1 գոլի և 1 գոլային փոխանցման հեղինակ։
