Անգլիական ակումբները կարծում են, որ «Մանչեսթեր Սիթիի» ֆինանսական խախտումների պատճառով հնարավոր միավորների զրկումը բավարար պատիժ չի լինի ակումբի համար, հայտնում է The Telegraph-ը:
Աղբյուրի տվյալներով՝ ակումբների ներկայացուցիչները կարծում են, որ մեղադրանքների մեծ մասի ապացուցման և միանվագ միավորների հանման դեպքում էլ «Մանչեսթեր Սիթին» բավական խիստ չի պատժվում:
Աղբյուրը նաև հայտնում է, որ որպես պատժի այլընտրանքային տարբերակ, ԱՊԼ-ի ազդեցիկ ֆուտբոլային գործիչներից մեկը առաջարկել է «Մանչեսթեր Սիթիից» միավորներ հանել մի քանի մրցաշրջանների ընթացքում:
Հիշեցնենք, որ ԱՊԼ-ն մեղադրում է «Մանչեսթեր Սիթիին» բազմաթիվ ֆինանսական կանոնների խախտումներում, որոնք, ըստ նրանց, տեղի են ունեցել 2009/2010 մրցաշրջանից մինչև 2017/2018 մրցաշրջանը: Գործը ներառում է ավելի քան 100 դրվագ, որոնցում ակումբը ենթադրաբար տրամադրել է սխալ տեղեկատվություն իր եկամուտների, ծախսերի, ինչպես նաև մարզիչների և ֆուտբոլիստների աշխատավարձերի վերաբերյալ։
