«Մանչեսթեր Սիթին» դիտարկում է առաջիկա ամռանը ՊՍԺ-ի 21-ամյա հարձակվողական ոճի կիսապաշտպան Չավի Սիմոնսին գնելու տարբերակը, որը ընթացիկ մրցաշրջանում վարձավճարով հանդես է գալիս «Լայպցիգում»: Այս մասին հայտնում է ESPN-ը։
Ըստ աղբյուրի՝ «Քաղաքայինները» հոլանդացի ֆուտբոլիստին տեսնում են որպես 33-ամյա Կևին Դե Բրույնեի փոխարինող։ Ընդգծվում է, որ անգլիական ակումբը կարող է մրցակցել «Բավարիայի» և «Լիվերպուլի» հետ։
2024/25 մրցաշրջանում Սիմոնսը գերմանական ակումբի կազմում մասնակցել է 4 հանդիպման, որոնցում դարձել է 1 գոլի և 1 գոլային փոխանցման հեղինակ։ Ֆուտբոլիստի գործող պայմանագրի ժամկետը փարիզյան ակումբի հետ նախատեսված է մինչև 2027 թվականի ամառը:
Transfermarkt-ը երիտասարդ կիսապաշտպանի տրանսֆերային արժեքը գնահատում է 80 միլիոն եվրո:
