Մարկուս Ռեշֆորդին խանգարում է «Մանչեսթեր Յունայթեդի» նախկին ֆուտբոլիստների քննադատությունը։
Այս մասին հաղորդում է i թերթը՝ հղում կատարելով ֆուտբոլիստի շրջապատի աղբյուրներին։
«Երբ ուրիշը սխալվում է փոխանցման ժամանակ, դրա մասին չեն խոսում, բայց երբ դա անում է Մարկուսը, դա լրիվ այլ բան է։ Լրիվ այլ։
Նրան ուղղված քննադատությունը գրոհ է դարձել։ Նրան հետապնդում են։ Երկրպագուները հավատում են նախկին ֆուտբոլիստների խոսքերին, և դա միայն ավելի է վատացնում իրավիճակը։
Ակումբը 100 միլիոն ֆունտ է ծախսել կենտրոնական հարձակվողների վրա, իսկ Մարկուսը խաղում է եզրային հարձակվողի դիրքում՝ կատարելով իր աշխատանքը։ Այն, որ պահերը չեն օգտագործվում, նրա մեղքը չէ», — ասել է աղբյուրներից մեկը։
