«Ինտերի» գլխավոր մարզիչ Սիմոնե Ինձագին խոսել է Չեմպիոնների լիգայի խմբային փուլի 4-րդ տուրում սպասվող «Զալցբուրգի» հետ խաղի մասին։
«Մենք հասկանում ենք այս խաղի կարևորությունը, բայց նաև գիտենք, որ մեր մրցակիցը «Սան Սիրոյում» ցույց տվեց իր որակները։
Սա ֆիզիկապես ուժեղ թիմ է՝ լավ խաղացողներով։ Ես արդեն եղել եմ այստեղ՝ Եվրոպայի լիգայում «Լացիոյի» հետ և գիտեմ երկրպագուների կիրքը: Սա թիմ է, որն արժանի է հարգանքի և միշտ լավ է հանդես եկել Չեմպիոնների լիգայում։
Մենք վերլուծել ենք, թե ինչ է տեղի ունեցել Սան Սիրոյում։ «Զալցբուրգը» ամեն տարի հաղթում է ներքին առաջնությունը, միշտ մտնում է Չեմպիոնների լիգա, լավ կազմակերպված է և հիանալի խաղացողներ ունի:
Իրոք, նախորդ անգամ մենք այնքան էլ ճիշտ չսկսեցինք խաղը և սովորականից ավելի շատ սխալներ թույլ տվեցինք, բայց, հանգստանալով, շատ ուժեղ երկրորդ խաղակես անցկացրինք և արժանի էինք հաղթանակի։ Մեզ պետք է տեխնիկա և ֆիզիկական ուժ»։
Կազմի ընտրության և Պավարի վնասվածքի մասին
«Ամեն խաղում ես պետք է ընտրություն կատարեմ, և այս անգամ, իհարկե, փոփոխություններ կլինեն, բայց դա մեզ համար պետք է լինի ռեսուրս և ոչ թե խնդիր:
Տղաներս ճիշտ պատասխան են տալիս խաղային իրավիճակներում և մարզումների ժամանակ։ Մենք կորցնում ենք Պավարին, և դա մեծ կորուստ է, քանի որ նա շատ լավ է հարմարվել թիմում, և նրա ներկայությունը հանդերձարանում շատ դրական ազդեցություն է ունեցել»։
Մարկո Արնաուտովիչի վերադարձի և Լաուտարո Մարտինեսին հանգստի հնարավորություն տալի մասին
«Մենք մտածում ենք այդ մասին։ Կարող եմ երաշխավորել, որ այս խաղում Ալեքսիս Սանչեսը խաղաժամանակ կստանա, մինչդեռ Արնաուտովիչի վերադարձը շատ կարևոր է»։
Դումֆրիսի վիճակի մասին
«Դումֆրիսը լիովին չէր վերականգնվել մարզումների համար, և ես խոսեցի բժշկի հետ: Նա կազմում է, բայց չգիտեմ՝ կսկսի՞ խաղը մեկնարկային րոպեներից, թե՞ ոչ: Ես ունեմ Բիսեկին, դե Վրեյին, ես կարող եմ օգտագործել Կառլոս Ավգուստոյին, ուստի տարբերակներ ունեմ: Կարող ենք նաև Դարմիանին ավելի բարձր դիրք բարձրացնել»:
Դավիդե Ֆրատեզիի և Նիկոլո Բարելայի մասին
«Զալցբուրգի դեմ երկրորդ խաղակեսում նրանք միասին շատ լավ խաղացին, այնպես որ մենք կտեսնենք թե ինչ կլինի այս անգամ: Կարող եմ ասել, որ Ֆրատտեզին կլինի մեկնարկային կազմում, մյուս երկուսին վերաբերյալ դեռ չեմ որոշել։ Դեյվի Կլասենը նույնպես արժանի է խաղաժամանակ ստանալուն, քանի որ նա ամեն օր լավ է աշխատում մարզումների ժամանակ, բայց ես պետք է ընտրությունս կատարեմ ի օգուտ «Ինտերի»»,- ասել է Ինձագին ասուլիսի ժամանակ։
«Զալցբուրգ» — «Ինտեր» խաղը կկայանա այսօր և կմեկնարկի Երևանի ժամանակով 23։55-ին։
