Պաշտպան Դավիդ Ալաբան և կիսապաշտպան Արդա Գյուլերը վերադարձել են Մադրիդի «Ռեալի» ընդհանուր խմբի մարզումներին։
Ինչպես հայտնում է Marca-ն, եթե ֆուտբոլիստների վնասվածքները չկրկնվեն, երկուսն էլ կկարողանան մասնակցել Լա լիգայի 10-րդ տուրի «Սևիլիայի» հետ հանդիպմանը։
31-ամյա Ալաբան վնասվածք էր ստացել սեպտեմբերի վերջին՝ Լա Լիգայի 7-րդ տուրի «Լաս Պալմասի» հետ խաղում (2:0)։
18-ամյա Գյուլերը սեպտեմբերի 26-ին մարզման ժամանակ վնասել էր ազդրը։ Հուլիսի վերջին խաղացողը վնասել էր աջ ծունկը և ենթարկվել վիրահատության։ 2023 թվականի ամռանը Մադրիդի «Ռեալ» տեղափոխվելուց հետո ֆուտբոլիստը ոչ մի պաշտոնական հանդիպում չի անցկացրել ակումբի կազմում։
