«Ինտերի» և Իտալիայի հավաքականի կիսապաշտպան Նիկոլո Բարելան կիսվել է իր կարծիքով ազգային ընտրանու գլխավոր մարզչի պաշտոնի վերադասավորումների մասին։ Ռոբերտո Մանչինիի պաշտոնը, որի հետ Իտալիան հաղթեց Եվրո-2020-ում, զբաղեցրել է «Նապոլիի» նախկին մարզիչ Լուչանո Սպալետին։
«Յուրաքանչյուր մարզիչ ունի իր որակները և փորձում է հնարավորինս արդյունավետ օգտագործել իր խաղացողներին: Մարզիչը մեզ հիանալի գաղափարներ է տվել, հիմա մեր հերթն է։
Նրանք (Մանչինին և Սպալետին) երկու մարդիկ են, որոնք տարբեր կերպ են հասկանում իրենց դերերը, բայց ես չեմ ուզում խոսել նրանց տարբերությունների մասին: Սպալետին անկեղծ էր ինձ հետ, և ես գնահատում եմ դա: Մարզիչը (Սպալետին) միշտ ստիպել է իր թիմերին լավ խաղալ: Նա հիանալի ֆուտբոլ խաղաց «Նապոլիի» հետ՝ հիանալի գաղափարներ բերելով ոչ միայն հարձակման, այլ նաև պաշտպանության գիծ։
Ռոբերտո Մանչինին հավատում էր ինձ, երբ ես «Կալյարիում» էի, և ես կարող եմ միայն շնորհակալություն հայտնել նրան: Մենք հաղթեցինք Եվրոն, և դա մեզ միշտ կապելու է, հատկապես այն պատճառով, որ լավ ֆուտբոլ ցուցադրեցինք։
Սա նոր փուլ է՝ նմանատիպ լավ մարզիչով և այլ գաղափարներով։ Ես երբեք չեմ ասի, թե ով է լավագույնը, իհարկե, մեզ ժամանակ է պետք, բայց ես տեսել եմ բոլորի հիանալի պատրաստակամությունը, և մենք կփորձենք անել առավելագույնը, քանի որ մեզ երկու հաղթանակ է անհրաժեշտ»,- Բարելայի խոսքերն է մեջբերում Football Italia-ն։
Միջազգային դադարի ժամանակ Իտալիան Եվրո-2024-ի ընտրական մրցաշարում երկու հանդիպում կանցկացնի՝ Հյուսիսային Մակեդոնիայի (9 սեպտեմբերի) և Ուկրաինայի (սեպտեմբերի 12) հետ։ Իտալիան ընտրական առաջին երկու խաղերում երեք միավոր է վաստակել։
