Մադրիդի «Ռեալի» և ՊՍԺ-ի նախկին ֆուտբոլիստ Սերխիո Ռամոսը պատմել է, թե ինչու է որոշել վերադառնալ «Սևիլիա».
«Ես հնարավորություն ունեի երկու տարի մնալ Փարիզում, բայց չտեսա դա։ Ինձ միշտ մղել են ազդակներն ու սիրտը։ Ոչ փողը: Այդ պատճառով ես չտեղափոխվեցի Սաուդյան Արաբիա կամ MLS: Այդ իսկ պատճառով ես ռիսկի դիմեցի տրանսֆերային պատուհանի ավարտից անմիջապես առաջ զանգահարել «Սևիլիա»՝ նրանց հետ պայմանագիր ստորագրելու համար: Ինձ համար այստեղ վերադառնալը երազանք էր»,- Ռամոսի խոսքերն է մեջբերում Mirror-ը:
Ռամոսը 18 տարի անց վերադարձել է հարազատ ակումբ։ Պաշտպանը 2005 թվականին «Սևիլիայից» է տեղափոխվել Մադրիդի «Ռեալ»։
Հիշեցնենք, որ 37-ամյա խաղացողն այս տարվա հունիսին ֆրանսիական ՊՍԺ-ից հեռանալուց հետո ազատ խաղացողի կարգավիճակ էր ստացել։ 2022/2023 մրցաշրջանում պաշտպանը փարիզցիների կազմում անցկացրել է 45 հանդիպում բոլոր մրցաշարերում, որոնցում խփել է չորս գոլ։ Ֆուտբոլիստի գնահատված արժեքը, ըստ Transfermarkt ինտերնետային պորտալի, կազմում է 4,5 միլիոն եվրո:
