«Կրասնոդարի» կիսապաշտպան Էդուարդ Սպերցյանը խոսել է Շոտլանդիայի դեմ խաղում Հայաստանի ազգային հավաքականի գլխավոր մարզիչ Խոակին Կապառոսի հետ կոնֆլիկտի մասին։
— Հայաստան — Շոտլանդիա խաղից հետո, երբ Ձեզ փոխարինել էին 58-րդ րոպեին, հայկական ԶԼՄ-ները գրել էին․ Սպերցյանը դժգոհ է և չի ցանկանում խաղալ Հայաստանի հավաքականում։ Ի՞նչ է եղել իրականում։
— Լավ սկսեցինք այդ խաղն ու բացեցինք հաշիվը։ Հետո հեռացում եղավ, իսկ ես դեղին քարտ ստացա։ Ընդ որում, դրա պատճառով բաց էի թողնելու հաջորդ խաղը։ Խոստովանում եմ, որ փոքր ինչ տաքացա էմոցիաների պատճառով։ Պետք է աշխատեմ ինձ վրա այդ առումով, կողքից այդքան էլ գեղեցիկ չէ նման պահվածքը։ Այդ խաղում մեծ ցանկությամբ էի դուրս եկել դաշտ։ Եվ այդ պահին մարզիչը փոխարինում է ինձ։ Մինչ այդ նա ասել էր․ «10 օրում 4 խաղը ծանր գրաֆիկ է, եթե կան ուժեր, ասեք, գուցե չփոխարինեմ, դա կօգնի մյուսներին»։ Ես էլ ցույց տվեցի, որ ուժերս դեռ չեն սպառվել, բայց գուցե ձեռքերի շարժումը սխալ արեցի։ Փոխարինեցին և ես հեռացա հանդերձարան։
Սխալ եմ թույլ տվել, չի կարելի այդպես վարվել։ Հետո ես ամաչում էի, մի քանի անգամ ներողություն եմ խնդրել։ Ոմանք մտածեցին, որ մենք վիճել ենք, բայց նման բան չի եղել։ Մարզիչն ասեց․ «Սպասում էի այդպիսի արձագանքի»։ Ամեն դեպքում, ես չպետք է նման կերպ վարվեի։ Մարզչի որոշումը պետք է հարգել»,- ասել է Սպերցյանը «Матч ТВ»-ին տված հարցազրույցում։
