«Ցրվենա Զվեզդայի» գլխավոր մարզիչ Դեյան Ստանկովիչը խոսել է Չեմպիոնների լիգայի որակավորման երրորդ փուլում «Փյունիկի» դեմ սպասվող պատասխան խաղի մասին։
«Մենք պետք է ցույց տանք, որ «Ցրվենա Զվեզդան» մեծ ակումբ է։ Մեր նպատակը միշտ հաղթանակի համար պայքարն է և վաղը նույն կերպ ենք տրամադրվելու։
Կրկնում եմ՝ մենք ունենք բավարար քանակի որակյալ խաղացողներ և կպաշտպանենք մեր ՈՒԵՖԱ-ի դասակարգման աղյուսակում մեր դիրքը, որին հասել ենք վերջին տարիների աշխատանքի արդյունքում։
Թեև Պեշիչը, Իվանիչը և Ռոդիչը մեզ հետ չեն մեկնել, միևնույնն է, մենք ունենք համապատասխան փոխարինողներ, որոնք պատրաստ են վաղը ցույց տալ, թե ինչի են ընդունակ։
«Փյունիկի» մասին լավ կարծիք ունեմ։ Պատահական չէ, որ այս թիմը հասել է Չեմպիոնների լիգայի որակավորման երրորդ փուլ։ Խաղացել ենք կազմակերպված թիմի դեմ և ստիպված էինք շատ քրտնել, կենտրոնացած լինել։ Այնուամենայնիվ, առաջին 15 րոպեներին այդքան էլ զգոն չէինք։ «Փյունիկին» մի քանի գնդակ նվիրեցինք դաշտի միջնամասում ու դարպասի դիմաց, նրանք քիչ մնաց օգտվեին այդ սխալներից։ Պատասխան խաղից առաջ մենք խոսել ու վերլուծել ենք դրանք, և չպետք է կրկնենք այդ սխալները»,- ասել է Ստանկովիչը նախախաղային ասուլիսի ժամանակ։
«Փյունիկ» — «Ցրվենա Զվեզդա» հանդիպումը կկայանա օգոստոսի 9-ին և կմեկնարկի Երևանի ժամանակով 21։00-ին։
