«Մանչեսթեր Յունայթեդը» ցանկանում է գնել «Նապոլիի» հարձակվող Վիկտոր Օսիմենի տրանսֆերն այս ամառ, հայտնում է Daily Star-ը։
«Յունայթեդը» ուշադիր հետևում է նիգերիացի ֆուտբոլիստին՝ հաջորդ տրանսֆերային պատուհանում նրան ձեռք բերելու նպատակով: Ռալֆ Ռանգնիկին հանձնարարվել է գործադիր տնօրեն Ռիչարդ Առնոլդին տրամադրել Կրիշտիանու Ռոնալդուի և Էդինսոն Կավանիի հնարավոր փոխարինողների կարճ ցուցակը. երկու հարձակվողներն էլ, ակնկալվում է, որ ամռանը կլքեն «Օլդ Թրաֆորդը»:
Օսիմենն այժմ Ռանգնիկի դիտակետում է, բայց «Նապոլին» նրա տրանսֆերը գնահատում է100 միլիոն ֆունտ:
«Նապոլիի» նախագահ Աուրելիո Դե Լարենտիսը 2020 թվականին «Լիլից» Օսիմենի տրանսֆերը գնելիս ծախսել է ակումբի համար ռեկորդային գումար՝ 70 միլիոն ֆունտ ստեռլինգ:
