Ռոնալդուն ամռանը կարող է փոխել ակումբային գրանցումը

«Մանչեսթեր Յունայթեդի» հարձակվող Կրիշտիանու Ռոնալդուն կարող է հեռանալ Անգլիայից։

Ինչպես տեղեկացնում է 90min-ը, պորտուգալացին կարող է տեղափոխվել ՊՍԺ։ Ըստ աղբյուրի՝ փարիզյան գրանդը ցանկանում է գործարքն իրականացնել առաջիկա ամռանը։

37-ամյա Ռոնալդուի գործող պայմանագրի ժամկետը մանկունիանցիների հետ լրանում է 2023 թվականի ամռանը։ ԱՊԼ-ի ընթացիկ մրցաշրջանում Կրիշտիանուն մասնակցել է 21 հանդիպման՝ դառնալով 9 գոլի և 3 արդյունավետ փոխանցման հեղինակ։