Արգենտինայի հավաքականի հայտացուցակն առաջիկա խաղերի համար

Արգենտինայի հավաքականը ներկայացրել է 2022թ Աշխարհի առաջնության ընտրական փուլի նոյեմբերյան խաղերի համար հայտացուցակը։

Ցուցակում է ՊՍԺ-ի հարձակվող Լիոնել Մեսսին, ով այժմ ապաքինվում է վնասվածքից։

Ավելի վաղ հայտնի էր դարձել, որ Մեսսին ծնկի վնասվածք է ստացել։ Նա հավանաբար բաց կթողնի նաև նոյեմբերի 6-ին կայանալիք ՊՍԺ-Բորդո հանդիպումը:

Արգենտինայի հավաքականը նոյեմբերի 13-ին արտագնա խաղում կխաղա Ուրուգվայի հետ, իսկ նոյեմբերի 17-ին կընդունի Բրազիլիային։