Մյունխենի «Բավարիայի» և Գերմանիայի հավաքականի հարձակվող Սերժ Գնաբրին մեկնաբանել է ԱԱ-2022-ի ընտրական փուլի երրորդ տուրում Հյուսիսային Մակեդոնիայից կրած պարտությունը (1-2):
«Մենք չօգտագործեցինք մեր պահերը: Մրցակիցը բարդացրեց մեր կյանքը, բայց մենք, միևնույն է, հավատում էինք, որ կկարողանանք էլի գոլ խփել: Մենք գերիշխում էինք դաշտում: Գերմանիայի հավաքականը պետք է հասնի լավագույն արդյունքներին, բայց ես չեմ անհանգստանում Եվրոպայի առաջնության համար: Մրցաշարը դեռ չի մեկնարկել, ժամանակ ունենք մեր խաղի վրա աշխատելու համար:
Մենք ֆավորիտ էինք Հյուսիսային Մակեդոնիայի հետ խաղում ու մի շարք պահեր ստեղծեցինք: Հիասթափված ենք, որ հեռանում ենք ոչնչով»,- Գնաբրիի խոսքերն է փոխանցում ՈՒԵՖԱ-ի պաշտոնական կայքը:
Հիշեցնենք՝ Հյս. Մակեդոնիան 6 միավոր է վաստակել ու J խմբի մրցաշարային աղյուսակի երկրորդ հորիզոնականն է զբաղեցնում: Գերմանիան 6 միավորով երրորդ տեղում է: Աղյուսակը 100 տոկոսանոց արդյունքով գլխավորում է Հայաստանի հավաքականը (9): Ռումինիան 4-րդն է 3 միավորով, Իսլանդիան նույնքան միավորով 5-րդ տեղում է: Աղյուսակը եզրափակում է Լիխտենշտեյնի ընտրանին (0):
