Հայտնի է դարձել այն գումարը, որը բարեգործական աճուրդի կազմակերպիչները ակնկալում են ստանալ Պորտուգալիայի ազգային հավաքականի հարձակվող Կրիշտիանու Ռոնալդուի ավագի թևկապի համար: Ըստ Corriere dello Sport-ի ՝ Together for Life բարեգործական ընկերությունը մտադիր է թևկապի վաճառքից ստանալ շուրջ 2,5 միլիոն եվրո:
Ավելի վաղ հայտնի էր դարձել, որ Պորտուգալիայի ազգային հավաքականի ֆուտբոլիստ Կրիշտիանու Ռոնալդուի կողմից 2022 թվականի ԱԱ ընտրական փուլի Սերբիայի ընտրանու հետ խաղում խոտածածկին նետած թևկապը հանվել է բարեգործական աճուրդի, հայտնում է Tuttomercatoweb.com- ը:
Շաբաթ օրը Բելգրադում Սերբիան և Պորտուգալիան ոչ-ոքի խաղացին 2:2: Հանդիպման վերջում սերբ խաղացողը Ռոնալդուի հարվածից հետո գնդակը դուրս հանեց դարպասային գծից: Մրցավարները համարեցին, որ այս դրվագում գնդակը չի հատել սահմանը, ուստի գոլ չի գրանցվել:
Ռոնալդուն, չսպասելով վերջին սուլիչին, լքեց խաղադաշտը ու հուզմունքից ավագի թևկապը նետեց խոտածածկին:
