Անգլիայի Պրեմիեր լիգայի ակումբները լուրջ խնդիրների կբախվեն, եթե Մեծ Բրիտանիայի կառավարությունը վերջապես ընդունի Բրեքսիթը ու երկիրը դուրս գա Եվրոպական Միության կազմից։
Ինչպես տեղեկացնում է Telegraph-ը, Բրեքսիթի ընդունման դեպքում ԱՊԼ-ի ակումբները չեն կարողանա եվրոպական այլ պետություններից երիտասարդ՝ 18 տարեկանից ցածր ֆուտբոլիստների գնել։ Կլինի անցումային շրջան, որի ընթացքում երիտասարդ ֆուտբոլիստների տրանսֆերներ իրականացնել հնարավոր չի լինի։ Աղբյուրի փոխանցմամբ՝ այդ շրջանը կավարտվի 2020-ի դեկտեմբերին։
Այսպիսով, Բրեքսիթի ընդունման դեպքում Անգլիայի Պրեմիեր լիգայի ակումբները 2020 թվականի ընթացքում չեն կարողանա ձեռք բերել 18 տարեկանից ցածր ֆուտբոլիստների, ովքեր եվրոպական այլ երկրների քաղաքացիներ են։
