Ֆուտբոլի Անգլիայի առաջնության 32-րդ տուրի շրջանակում «Բրայթոնը» ընդունել էր «Մանչեսթեր Յունայթեդին»։
«Մանկունյանցիները» առանց խնդիրների կարողացան առավելության հասնել մրցակցի նկատմամբ։ Խաղի հաշիվը բացվեց 16-րդ րոպեին։ Հյուրերին առաջ մղեց Մեյսոն Գրինվուդը։ 29-րդ րոպեին հաշիվը կրկնապատկեց Բրունո Ֆերնանդեշը։
Երկրորդ կեսի մեկնարկում Ֆերնանդեշը դուբլ ձևակերպեց՝ հաշիվը դարձնելով խոշոր։ «Մանչեսթեր Յունայթեդը» հաղթեց 3-0 հաշվով։
Այս արդյունքից հետո ՄՅՈՒ-ն վաստակած միավորների քանակը հասցնում է 52-ի ու բարձրանում է 5-րդ հորիզոնական։
