«Յուվենտուսի» հարձակվող Կրիշտիանու Ռոնալդուն Instagram-ի իր էջում շնորհավորել է որդուն` ծննդյան օրվա առթիվ.
«Չեմ կարողանում հավատալ, որ իմ տղան արդեն 10 տարեկան է: Որքան արագ է թռչում ժամանակը … դու միշտ հպարտության առարկա ես եղել քո հոր համար, որն այդքան շատ է քեզ սիրում: Շնորհավորում եմ: Սիրում եմ քեզ»,- գրել է Ռոնալդուն ու լուսանկար հրապարակել:
Ռոնալդուն «Յուվենտուս» է տեղափոխվել 2018 թվականի ամռանը Մադրիդի «Ռեալից», որի կազմում հանդես է եկել 9 տարի: Տրանսֆերի արժեքը կազմել է 117 մլն եվրո: Պորտուգալացի ֆուտբոլիստի պայմանագիրը թուրինյան ակումբի հետ նախատեսված է մինչև 2022 թվականը: Կարիերայի ընթացքում Ռոնալդուն պաշտպանել է նաև «Սպորտինգի» և «Մանչեսթեր Յունայթեդի» գույները:
Ընթացիկ մրցաշրջանում Ռոնալդուն Իտալիայի առաջնության 22 հանդիպման է մասնակցել, որոնցում դարձել է 21 գոլի և 3 գոլային փոխանցման հեղինակ:
