Հայտնի պրոմոուտեր, «Top Rank Promotions» ընկերության հիմնադիր Բոբ Արումը հայտարարել է, որ լեգենդար Մենի Պակյաոն, ով նախկինում իր հաճախորդն էր, առաջադրվելու է Ֆիլիպինների նախագահի պաշտոնում 2022 թվականին:
«Առաջին նախագահը, որը ես կարծում եմ կլինինախկին բռնքամարտիկ, Պակյաոն է: Ես զանգեցի նրան և նա ասաց ինձ. «Բոբ, ես պատրաստվում եմ առաջադրվել 2022 թ-ին։ Երբ ես հաղթեմ, ես ուզում եմ, որ դու լինես իմ երդման արարողության ժամանակ», — Արումի խոսքերն է մեջբերում The Sun-ը:
41-ամյա Պակյաոն իր վերջին մենամարտն անցկացրեց անցած տարվա հուլիսին և հաղթեց Քիթ Թուրմանին՝ նվաճելով WBA վարկածով աշխարհի չեմպիոնի տիտղոսը: 25 տարվա ընթացքում Պակյաոն հաղթել է 71 մենամարտերից 62-ում: Պակյաոն պատմության մեջ միակ բռնցքամարտիկն է, ով դարձել է աշխարհի չեմպիոն 8 քաշային կարգերում:
Նախագահական ընտրությունները Ֆիլիպիններում նշանակված են 2022 թվականի մայիսի 9-ին: Այդ ժամանակ Պակյաոն կդառնա 43 տարեկան: 2009 թվականից Մենին հանդիսանում է իր երկրի Ներկայացուցիչների պալատի անդամ:
