«Բարսելոնայի» ավագ Լիոնել Մեսսին և կատալոնական թիմի նախկին գլխավոր մարզիչ Խոսեպ Գվարդիոլան, որն այժմ «Մանչեսթեր Սիթիի» գլխավոր մարզիչն է, կարող էին ժամանակին հայտնվել «Խետաֆեում» : Այս մասին ասել է իսպանական ակումբի նախագահ Անխել Տորեսը:
«Առաջին կամ երկրորդ տարում, երբ արդեն Մեսսին հանդես էր գալիս «Բարսելոնայի» հիմնական թիմում, մենք շատ մոտ էինք նրան վարձակալելու: Բայց Ֆրանկ Ռայկարդը չտվեց իր համաձայնությունը:
Մի անգամ եվրագավաթների վիճակահանության ժամանակ ես հանդիպեցի Չիկի Բեգիրիստինին ( «Բարսելոնայի» նախկին մարզական տնօրեն) և քննարկեցի հետևյալ գաղափարը. Լաուդրուպը (Այդ ժամանակ Խետաֆեի գլխավոր մարզիչ) տեղափոխվում է Բարսելոնա, և Գվարդիոլան գալիս է մեզ մոտ: Այդ ժամանակ Լապորտան («Բարսելոնայի նախկին նախագահ») ամենևին էլ վստահ չէր Պեպի հարցում»,- մեջբերում է Տորեսին Marca-ն:
