Թուրինի «Յուվենտուսի» պաշտպան Ջորջիո Կյելինին կարծում է , որ արգենտինացի Մաուրո Իկարդին պետք է մնա «Ինտերում».
«Ես հարգում եմ Իկարդիին: Ես կասեի, որ նրա խաղը տպավորում է: Մաուրոն հաճախ էր գոլ խփում «Յուվենտուսին», դա ցավալի էր: Բայց ես վստահ եմ, որ նա լավ տղա է: Պետք է, որ նրա հետ ինչ-որ բան պատահած լինի «Ինտերում»: Ես կզարմանամ, եթե նման չեմպիոնը չմնա «Ինտերում» ևս 15 տարի և մի քանի հարյուր գոլ չխփի:
Որպես «Յուվենտուսի» ֆուտբոլիստ՝ կասեի, որ մեր բախտը կբերի, եթե դա տեղի չունենա: Բայց կարո՞ղ եք Իկարդիին պատկերացնել Ռոմելու Լուկակուի և Լաուտարո Մարտինեսի հետ:
Եթե Ջուզեպե Մարոտան և Անտոնիո Կոնտեն որոշեն շարունակել առանց նրա, անպայման կունենան իրենց անձնական պատճառները: Գուցե, դա ճիշտ որոշում լինի, բայց Իկարդին շատ բալանսավորված «9 համար» է»,- Կյելինիի խոսքերն է փոխանցում Football Italia-ն:
