Շվեյցարացի թենիսիստ Ռոջեր Ֆեդերերը արդեն երկրորդ անգամ ֆինանսական մեծ աջակցություն է ցուցաբերում կորոնավիրուսի դեմ պայքարին։
Այս անգամ Ֆեդերերի բարեգործական հիմնադրամը 1 միլիոն ամերիկյան դոլար է հատկացրել Աֆրիկայում Covid-19-ի դեմ պայքարին։
Բարեգործական հիմնադրամի Twitter-յան պաշտոնական էջում տեղադրված հայտարարության մեջ ասվում է հետևյալը․
«Covid-19-ը համաշխարհային առողջապահական և տնտեսական ճգնաժամ է։ Որպես հումանիտար պատասխան՝ Ռոջեր Ֆեդերեր հիմնադրամը 1 միլիոն ամերիկյան դոլար է հատկացրել Աֆրիկայում 64 000 կարիքավոր երեխաների և նրանց ընտանիքներին՝ սնունդ գնելու համար, քանի դեռ դպրոցները փակ են»։
Ֆեդերերը Twitter-ի իր էջում անդրադարձել է բարեգործությանը․
«Հիմա, ինչպես երբեք, մենք պետք է միասին օգնենք կարիքավոր ընտանիքներին»։
Ավելի վաղ 1 միլիոն շվեյցարական ֆրանկով Ռոջեր Ֆեդերերն ու նրա կինը՝ Միրկա Ֆեդերերը աջակցել էին Շվեյցարիայի կարիքավոր ընտանիքների։