ԱՄՆ-ի Կալիֆոռնիա նահանգի Լոս Անջելես քաղաքում՝ «Crypto.com» արենայում, կայացել է խառ մենամարտերի (MMA) UFC 331 խոշոր մրցաշարը։
Երեկոյի երկրորդ գլխավոր (co-main event) իրադարձության շրջանակում օկտագոն էին դուրս եկել UFC-ի թեթև քաշային կարգի դասակարգման երկրորդ համար, Հայաստանը ներկայացնող Արման Ծառուկյանն ու բրազիլացի Մաուրիսիո Ռուֆին։
Դիմակայությունն ավարտվել է հայ մարտիկի փայլուն հաղթանակով՝ հենց առաջին ռաունդում։ Մեկնարկային 5-րոպեանոց հատվածի ավարտից ընդամենը վայրկյաններ առաջ Ծառուկյանը մրցակցին սեղմել է ցանցին և արմունկի երկու հաջորդական, շեշտակի հարվածներով նրան տապալել օկտագոնի հատակին՝ գրանցելով ուղիղ նոկաուտ։
Այսպիսով, 29-ամյա Արման Ծառուկյանը խառը մենամարտերի իր պրոֆեսիոնալ ռեկորդը հասցրեց 24 հաղթանակի (որոնցից 16-ը՝ ժամկետից շուտ), նրա ակտիվում կա նաև 3 պարտություն։ 30-ամյա Մաուրիսիո Ռուֆին, որը մինչ այս ուներ 14 հաղթանակ (13-ը՝ ժամկետից շուտ), կրեց իր կարիերայի 3-րդ պարտությունը։
Հիշեցնենք, որ UFC 331 մրցաշարի գլխավոր մենամարտում թեթևագույն քաշային կարգի չեմպիոնական գոտու համար կայացած մարտում Ջոշուա Վանը հաղթել է Ալեշանդրե Պանտոժային և հաջողությամբ պաշտպանել տիտղոսը։
ARMAN TSARUKYAN CLOSES THE SHOW WITH A VICIOUS ELBOW! 🤯💥
Tsarukyan used the threat of his wrestling to set up a devastating elbow that knocked Mauricio Ruffy out with just four seconds remaining in Round 1 at UFC 331.#UFC331 #ArmanTsarukyan #MauricioRuffy #UFC #MMA #Knockout pic.twitter.com/spKdDjUazi
— mmafullcom (@SportsTimeToday) September 20, 2026
