Միլանի «Ինտերի» նախկին նախագահ Մասիմո Մորատինին հայտնել է, որ 2012 թվականին Լիոնել Մեսսիի տրանսֆերի համար պատրաստ էր առաջարկել 500 մլն եվրո, սակայն արգենտինացի հարձակվողը նույնիսկ չէր ցանկացել ծանոթանալ առաջարկի մանրամասներին։
«Ես Մեսսիին 500 մլն եվրոյի առաջարկ արեցի։ Այդ տարի այդ գումարը խելահեղ էր։ Ես փոխնախագահիս ուղարկեցի Բարսելոնա՝ բանակցությունների համար։ Սակայն Մեսսին նույնիսկ չբացեց նամակը և չիմացավ առաջարկի արժեքը։ Նա մերժեց այն՝ չիմանալով մանրամասները»,- պատմել է Մորատին։
«Ինտերի» նախկին նախագահը նշել է, որ հետագայում կարողացել է անձամբ կապ հաստատել Մեսսիի հետ։ Արգենտինացին, ըստ Մորատիի, շատ հստակ պատասխան է տվել. «Ես ցանկանում եմ ավարտել կարիերաս «Բարսելոնայում»։
Մորատիին խոստովանել է, որ գիտեր՝ Մեսսին ցանկանում էր մնալ կատալոնական ակումբում, սակայն փորձել էր նրան համոզել ֆինանսական առաջարկով։ «Դա չաշխատեց»,- ասում է Մորատին։
2012 թվականին Մեսսին «Բարսելոնայի» կազմում իր կարիերայի գագաթնակետին էր։ Նա կատալոնական ակումբում անցկացրեց ընդհանուր առմամբ 18 տարի՝ 2003-ից 2021 թվականը, որի ընթացքում նվաճեց բազմաթիվ տիտղոսներ, այդ թվում՝ Չեմպիոնների լիգայի 4 գավաթ և Իսպանիայի չեմպիոնի 10 տիտղոս։
Ի վերջո, Մեսսին «Բարսելոնայից» հեռացավ միայն 2021 թվականին՝ տեղափոխվելով ՊՍԺ, իսկ 2023 թվականից հանդես է գալիս «Ինտեր Մայամիում»։
Այսպիսով, Մորատիի պատմության համաձայն՝ 2012-ին «Ինտերը» պատրաստ էր Մեսսիի համար վճարել կես միլիարդ եվրո, սակայն ֆուտբոլիստը նույնիսկ չցանկացավ իմանալ այդ առաջարկի պայմանները։
