Հունաստանի ֆուտբոլի գավաթի խաղարկության (որը նախորդ մրցաշրջանից անցկացվում է նոր՝ շվեյցարական համակարգով) լիգայի փուլի առաջին տուրում «Օլիմպիակոսը» հյուրընկալվելիս 4-0 հաշվով ջախջախեց «Լարիսային»:
Հյուրերը հաշիվը բացեցին 34-րդ րոպեին Արմանդո Գոնսալեսի գոլի շնորհիվ: Երկրորդ կեսում պիրեացիները ևս երեք անգամ գրավեցին մրցակցի դարպասը. 50-րդ րոպեին աչքի ընկավ Գուստավո Սան, 54-ին՝ Օնեմաեչի Բրունոն, իսկ 66-րդ րոպեին Ժոել Ռոկան ձևակերպեց հանդիպման վերջնական արդյունքը:
Այս ամռանը հունական ակումբ տեղափոխված Հայաստանի ազգային հավաքականի պաշտպան Նաիր Թիկնիզյանը պահեստայինների նստարանին էր և խաղադաշտ մտավ 63-րդ րոպեին՝ փոխարինելով երրորդ գոլի հեղինակ Բրունոյին:
Հիշեցնենք, որ Գավաթի նորացված ձևաչափով լիգայի փուլի 16 թիմերը (որոնք նախապես բաշխված են եղել ըստ զամբյուղների) անցկացնում են 4-ական հանդիպում՝ յուրաքանչյուր զամբյուղից մեկական մրցակցի դեմ: Առաջին 4 հորիզոնականները զբաղեցրած թիմերը միանգամից դուրս են գալիս փլեյ-օֆֆ (քառորդ եզրափակիչ), իսկ 5-12-րդ տեղերը գրաված ակումբները կանցկացնեն լրացուցիչ փլեյ-օֆֆ հանդիպումներ՝ մյուս 4 ուղեգրերը որոշելու համար:
Այս հաղթանակից հետո «Օլիմպիակոսը» վաստակեց 3 միավոր և գլխավորում է Գավաթի լիգայի փուլի մրցաշարային աղյուսակը:
Հունաստանի գավաթի խաղարկության լիգայի փուլի մրցաշարային աղյուսակը՝ ստորև․
