Թուրինի «Յուվենտուսի» վինգեր Քենան Յիլդիզը լուրջ վնասվածք է ստացել Իտալիայի Ա սերիայի մեկնարկային տուրի՝ «Ֆրոզինոնեի» դեմ խաղում (1:0)։
Ինչպես հայտնում է Tuttosport պարբերականը, 21-ամյա թուրք ֆուտբոլիստը ձախ ոտնաթաթի կոտրվածք է ստացել։ Նա չի կարողացել շարունակել հանդիպումը և 69-րդ րոպեին փոխարինվել է. նրա փոխարեն խաղադաշտ է մտել Ժերեմի Բոգան։
Բժշկական հետազոտությունը պարզել է, որ Յիլդիզի վնասվածքը լուրջ է, և նա վիրահատական միջամտության կարիք ունի։ Նախնական տվյալներով՝ ֆուտբոլիստի ապաքինման և վերականգնման գործընթացը կտևի մոտ երեք ամիս։
Հիշեցնենք, որ նախորդ մրցաշրջանում Քենան Յիլդիզը թուրինյան ակումբի կազմում բոլոր մրցաշարերում մասնակցել է 47 հանդիպման՝ դառնալով 11 գոլի և 9 գոլային փոխանցման հեղինակ։ Transfermarkt պորտալը թուրք վինգերի տրանսֆերային արժեքը գնահատում է 75 միլիոն եվրո։
