«Մանչեսթեր Յունայթեդը» որոշել է փոխել Մարկուս Ռեշֆորդի խաղահամարը՝ դրանով իսկ ցուցադրելով հարձակվողին թիմի հիմնական կազմ վերադարձնելու պատրաստակամությունը։ Այս մասին հաղորդում է ինսայդեր Ֆաբրիցիո Ռոմանոն։
Նոր մրցաշրջանում անգլիացի ֆուտբոլիստը «կարմիր սատանաների» կազմում հանդես կգա 14 համարի մարզաշապիկով։ Բացի այդ, Ռեշֆորդը թիմի հետ միասին կմեկնի ուսումնամարզական հավաքի։
Միևնույն ժամանակ, 28-ամյա հարձակվողի ապագան ակումբում շարունակում է կախված մնալ տրանսֆերային շուկայի զարգացումներից։ «Մանչեսթեր Յունայթեդը» պատրաստ է պահպանել Ռեշֆորդին կազմում միայն այն դեպքում, եթե եվրոպական առաջատար ակումբներից որևէ մեկի կողմից գրավիչ առաջարկ չստանա։
Հիշեցնենք, որ ավելի վաղ հարձակվողը մանկունիացիների կազմում ելույթ է ունեցել նաև 39, 19 և 10 խաղահամարների ներքո։
