Սլովենացի մրցավար Սլավկո Վինչիչը չափազանց հուզումնալից է արձագանքել՝ տեղեկանալով, որ սպասարկելու է աշխարհի 2026 թվականի առաջնության եզրափակիչը։ 46-ամյա մրցավարը ձեռքերով ծածկել է դեմքը, այնուհետև գրկախառնվել գործընկերների հետ և ստացել մրցավարական հատուկ սև մարզաշապիկ՝ վճռորոշ խաղի համար։
Աշխարհի առաջնության եզրափակիչում Վինչիչի եզրային օգնականները կլինեն նրա հայրենակիցներ Տոմաժ Կլանչնիկն ու Անդրաժ Կովաչիչը։ Որպես պահեստային մրցավար հանդես կգա Ադհամ Մահադմեհը, իսկ պահեստայինի օգնականի դերում կլինի Մոհամադ Ալ-Քալաֆը. երկու մրցավարներն էլ ներկայացնում են Հորդանանը։
Հիշեցնենք, որ աշխարհի առաջնության եզրափակիչում Արգենտինայի հավաքականը կմրցի Իսպանիայի հետ։ Հանդիպումը կկայանա կիրակի՝ հուլիսի 19-ին, ԱՄՆ-ի Իսթ Ռեթերֆորդ քաղաքի «Մետլայֆ» մարզադաշտում։ Խաղի մեկնարկային սուլիչը կհնչի Երևանի ժամանակով 23:00-ին։
Introducing your referee for the @FIFAWorldCup 2026 Final….🥁
Congratulations, Slavko Vinčić! 👏 pic.twitter.com/OMLJ3oA31p
— FIFA (@FIFAcom) July 17, 2026
