ԱՄՆ-ի, Կանադայի և Մեքսիկայի համատեղ անցկացվող 2026 թվականի ֆուտբոլի աշխարհի առաջնությունում մեկնարկել է J խմբի 2-րդ տուրի կենտրոնական հանդիպումներից մեկը՝ Արգենտինայի և Ավստրիայի ազգային հավաքականների միջև։
Հանդիպումն ընթանում է ԱՄՆ-ի Տեխաս նահանգի Արլինգտոն քաղաքի «Էյ-Թի-էնդ-Թի» մարզադաշտում։ Խաղը սպասարկում է եգիպտացի գլխավոր մրցավար Ամին Օմարը:
Դիմակայությունը բավականին դրամատիկ և ակտիվ մեկնարկ է ունեցել: Արդեն 9-րդ րոպեին արգենտինացիների հարձակվող Լաուտարո Մարտինեսի նկատմամբ թույլ տված խախտման համար մրցավարը 11-մետրանոց հարված է նշանակել Ավստրիայի դարպասին։ Սակայն Արգենտինայի հավաքականի ավագ և առաջատար Լիոնել Մեսսին չի կարողացել անվրեպ իրացնել այն։
/i/g/k/1782148349180657648.png)
Չիրացված 11 մետրանոցի դրվագն անտարբեր չի թողել ոչ մեկին և գրավել է երկրպագուների ուշադրությունը։ Վրիպումից հետո հիասթափված Մեսսին նախ իջեցրել է գլուխը, ապա քաշել կիսավարտիքը և հայացքն ուղղել երկինք։ Իսկ ահա Ավստրիայի հավաքականի դարպասապահ Ալեքսանդր Շլագերը բավականին բուռն ու էմոցիոնալ է տոնել իր փրկությունը:
/i/h/o/17821485767691518.png)
/i/f/a/17821487481277512859.png)
Առաջին տուրից հետո թե՛ Արգենտինան, թե՛ Ավստրիան վաստակել են երեքական միավոր։ Արգենտինացիները խփած և բաց թողած գնդակների ավելի լավ տարբերության շնորհիվ գլխավորում են J խմբի մրցաշարային աղյուսակը, իսկ ավստրիացիները զբաղեցնում են երկրորդ հորիզոնականը։
Խմբային փուլի վերջին՝ 3-րդ տուրում, որը կկայանա հունիսի 28-ին, Արգենտինայի հավաքականը կմրցի Հորդանանի, իսկ Ավստրիան՝ Ալժիրի հետ։
Հիշեցնենք, որ ԱԱ-2026-ը մեկնարկել է հունիսի 11-ին և կտևի մինչև հուլիսի 19-ը։ Աշխարհի գործող չեմպիոնն Արգենտինայի հավաքականն է, որը 2022 թվականի Կատարում կայացած դրամատիկ եզրափակչում հաղթեց Ֆրանսիային (հիմնական և լրացուցիչ ժամանակն ավարտվել էր 3:3 հաշվով, իսկ հետխաղյա 11-մետրանոցներով արգենտինացիներն առավելության հասան 4:2 հաշվով)։
Pênalti perdido por Messi contra a Áustria 8′
by
u/meunomedeusuario in
futebol
