Կավանիի տրանսֆերը գնելու համար անակնկալ թեկնածու է հայտնվել

ՊՍԺ-ի հարձակվող Էդինսոն Կավանիի ապագան շարունակում է անհայտ մնալ։

Ինչպես տեղեկացնում է Goal.com-ը՝ հղում կատարելով Fotomac-ին, ուրուգվայցի հարձակվողի ծառայություններով հետաքրքրված է թուրքական «Ֆեներբախչեն»։

Հաղորդվում է, որ «Ֆեներբախչեն» միայն լավ առաջարկ կատարելու դեպքում կկարողանա պայմանագիր ստորագրել Կավանիի հետ։

Ավելի վաղ հաղորդվում էր, որ Կավանիին երեք տարվա պայմանագիր է առաջարկել «Աթլետիկոն»։