🎥 Միլանի ֆիասկոն, Ֆաբրեգասի պատմական նվաճումն ու Ռոմայի վերադարձը․ Ա Սերիայի վերջին տուրի դրաման

Իտալիայի առաջնության եզրափակիչ՝ 38-րդ տուրում գրանցվեց իսկական անակնկալ.

«Միլանը» սեփական հարկի տակ 1:2 հաշվով ցավալի պարտություն կրեց «Կալյարիից»։ Թեև «ռոսոներիներին» հաջողվել էր առաջինը բացել հանդիպման հաշիվը, սակայն նրանք չկարողացան պահպանել առավելությունը։

Տեսանյութը` ԱՅՍՏԵՂ

​Այս պարտությունը ճակատագրական եղավ միլանյան ակումբի համար. վաստակելով 70 միավոր՝ թիմը 3-րդ տեղից նահանջեց 6-րդ հորիզոնական և հաջորդ մրցաշրջանում հանդես կգա միայն Եվրոպա լիգայում։

«Կալյարին» 43 միավորով առաջնությունն ավարտեց 14-րդ տեղում։

​Զուգահեռաբար ընթացող խաղում «Լեչեն» տանը նվազագույն՝ 1:0 հաշվով կարևոր հաղթանակ տարավ «Ջենոայի» նկատմամբ՝ դրանով իսկ պահպանելով իր տեղը Ա Սերիայում հաջորդ մրցաշրջանի համար։

​«Ռոման» վստահ հաղթանակ տարավ և ապահովեց իր տեղը լավագույն եռյակում
​Ի տարբերություն «Միլանի», «Ռոման» իր հնարավորությունը բաց չթողեց։

Մայրաքաղաքային թիմն արտագնա խաղում 2:0 հաշվով վստահորեն հաղթեց «Վերոնային»։ «Մարկանտոնիո Բենտեգոդի» մարզադաշտում կայացած հանդիպման 56-րդ րոպեին հաշիվը բացեց Դոնիել Մալենը, իսկ մրցավարի կողմից ավելացված ժամանակում (90+3′) Ստեֆան Էլ-Շաարավին վերջակետ դրեց խաղին։

​Նշենք, որ 50-րդ րոպեից տանտերերը խաղում էին տասը հոգով. երկրորդ դեղին քարտի պատճառով հեռացվել էր պաշտպան Նիկոլաս Վալենտինին: «Ռոման» վաստակեց 73 միավոր և 2025/26 մրցաշրջանն ավարտեց պատվավոր 3-րդ տեղում՝ երաշխավորելով իր մասնակցությունը Չեմպիոնների լիգայի գալիք խաղարկությանը։ Իսկ ահա «Վերոնան» 21 միավորով գրավեց 19-րդ տեղը և հրաժեշտ տվեց էլիտար դիվիզիոնին՝ նահանջելով Բ Սերիա։

​«Կոմոն» ջախջախեց մրցակցին և դուրս եկավ Չեմպիոնների լիգա
​Տուրի, և գուցե ողջ մրցաշրջանի գլխավոր հերոսը դարձավ Սեսկ Ֆաբրեգասի գլխավորած «Կոմոն», որն արտագնա խաղում անխնա ռմբակոծեց «Կրեմոնեզեի» դարպասը՝ հաղթելով 4:1 հաշվով։

​Հաղթողների կազմում աչքի ընկան Խեսուս Ռոդրիգեսը, Անաստասիոս Դուվիկասը և Լուկաս Դա Կունյան, որը դարձավ տպավորիչ դուբլի հեղինակ։ Ինչպես և «Վերոնան», «Կրեմոնեզեն» ևս հանդիպումն ավարտեց փոքրամասնությամբ. 71-րդ րոպեին կարմիր քարտ ստացավ Ալբերտո Գրասին։

​Այս պատմական հաղթանակի շնորհիվ «Կոմոն» վաստակեց 71 միավոր՝ զբաղեցնելով 4-րդ հորիզոնականը: Ակումբի պատմության մեջ առաջին անգամ թիմը հանդես կգա Եվրոպայի գլխավոր ակումբային մրցաշարում՝ Չեմպիոնների լիգայում: «Կրեմոնեզեն» (34 միավոր) հանգրվանեց 18-րդ հորիզոնականում և դուրս մնաց Ա Սերիայից։

Մրցաշարային աղյուսակն այս պահին