Աստղային կազմ՝ ընդդեմ Բրազիլիայի. Դեշամը հրապարակել է Ֆրանսիայի հավաքականի հայտացուցակը

Ֆրանսիայի ֆուտբոլի ֆեդերացիան իր պաշտոնական կայքում հրապարակել է ազգային հավաքականի հայտացուցակը՝ Բրազիլիայի և Կոլումբիայի ընտրանիների դեմ կայանալիք ընկերական հանդիպումների համար։

Խաղերը կկայանան մարտի 26-ին և 29-ին։ Հատկանշական է, որ Դիդիե Դեշամի սաների և բրազիլացիների միջև հանդիպումը կանցկացվի ԱՄՆ-ի Մասաչուսեթս նահանգի Ֆոքսբորո քաղաքում։

Ֆրանսիայի հավաքական են հրավիրվել հետևյալ ֆուտբոլիստները.

Դարպասապահներ. Լյուկա Շևալիե (ՊՍԺ), Մայք Մենյան («Միլան»), Բրիս Սամբա («Ռեն»):

Պաշտպաններ. Լուկա Դին («Ասթոն Վիլա»), Մալո Գյուստո («Չելսի»), Լուկաս Էրնանդես (ՊՍԺ), Թեո Էրնանդես («Ալ Հիլալ»), Իբրահիմա Կոնատե («Լիվերպուլ»), Պիեռ Կալուլու («Յուվենտուս»), Վիլյամ Սալիբա («Արսենալ»), Դայոտշանկյուլ Ուպամեկանո («Բավարիա»):

Կիսապաշտպաններ. Մանու Կոնե («Ռոմա»), Ադրիեն Ռաբիո («Միլան»), Էդուարդո Կամավինգա, Օրելյեն Չուամենի (երկուսն էլ՝ «Ռեալ Մադրիդ»), Ուորեն Զաիր-Էմերի (ՊՍԺ), Ն’Գոլո Կանտե («Ֆեներբահչե»):

Հարձակվողներ. Մագնես Ակլիուշ («Մոնակո»), Ուսման Դեմբելե, Դեզիրե Դուե (երկուսն էլ՝ ՊՍԺ), Ռայան Շերկի («Մանչեսթեր Սիթի»), Ուգո Էկիտիկե («Լիվերպուլ»), Ռանդալ Կոլո Մուանի («Տոտենհեմ»), Կիլիան Մբապե («Ռեալ Մադրիդ»), Մայքլ Օլիսե («Բավարիա»), Մարկուս Թյուրամ («Ինտեր»):