«Նյուքասլի» առանցքային ֆուտբոլիստներ Էնթոնի Գորդոնն ու Սանդրո Տոնալին հայտնվել են անգլիական մեկ այլ գրանդի՝ «Մանչեսթեր Յունայթեդի» տրանսֆերային նշանակետում։ Այս մասին սոցիալական ցանցերի իր էջերում հայտնել է հայտնի մարզական ինսայդեր Բեն Ջեյքոբսը։
Ըստ աղբյուրի՝ «Կարմիր սատանաների» ղեկավարությունը պատրաստակամ է տպավորիչ 200 միլիոն եվրո հատկացնել այս երկու տրանսֆերներն իրականացնելու համար։ Միևնույն ժամանակ, «Նյուքասլը» հակված չէ հեշտությամբ բաժանվել իր առաջատարներից և քայլեր կձեռնարկի նրանց թիմում պահելու ուղղությամբ։
Ֆուտբոլիստների վիճակագրությունն ընթացիկ մրցաշրջանում.
Էնթոնի Գորդոնը մասնակցել է 37 հանդիպման՝ դառնալով 14 գոլի և 5 արդյունավետ փոխանցման հեղինակ։
Սանդրո Տոնալին անցկացրել է 41 խաղ՝ իր ակտիվում գրանցելով 2 գոլ և 5 արդյունավետ փոխանցում։
