Իսպանիայի Լա լիգայի Մրցավարների տեխնիկական կոմիտեն (CTA) պատժամիջոցներ կկիրառի «Ժիրոնա» — «Բարսելոնա» հանդիպման (2-1) VAR համակարգի պատասխանատուի նկատմամբ։
Ինչպես հաղորդում է հեղինակավոր AS պարբերականը, տանտերերի երկրորդ գոլը չպետք է հաշվվեր։
Միջադեպը տեղի է ունեցել հանդիպման 86-րդ րոպեին։ «Ժիրոնայի» կիսապաշտպան Կլաուդիո Էչեվերին խաղակոշիկի ստորին հատվածով հարվածել էր «Բարսելոնայի» պաշտպան Ժյուլ Կունդեի ոտքին։ Կանոնների կոպիտ խախտումից վայրկյաններ անց Էչեվերին փոխանցում է կատարել Ժոել Ռոկային, որի ասիստից հետո Ֆրան Բելտրանը խփել է հանդիպման հաղթական գոլը։
Չնայած դրվագի լրջությանը՝ VAR-ի մրցավարը չի հուշել գլխավոր մրցավարին կանգնեցնել խաղը և դիտել կրկնապատկերը։ CTA-ն պաշտոնապես ընդունել է, որ.
- Էչեվերին պետք է պատժվեր կանոնների խախտման համար,
- Ֆրան Բելտրանի գոլը ենթակա էր չեղարկման։
VAR-ի գլխավոր մրցավար Դավիդ Գալվես Ռասկոնը հեռացվել է աշխատանքից և կորակազրկվի մինչև հատուկ կարգադրության ստացումը։ Այս սխալը վճռորոշ նշանակություն ունեցավ խաղի վերջնարդյունքի համար՝ զրկելով «Բարսելոնային» միավոր վաստակելու հնարավորությունից։
