Հեղինակավոր Goal պորտալը՝ աշխարհի 2026 թվականի առաջնության խմբային փուլի վիճակահանությունից հետո, ներկայացրել է մրցաշարը հաղթելու գլխավոր հավակնորդների վարկանիշային աղյուսակը։
Ցուցակը գլխավորում է Եվրոպայի գործող չեմպիոն Իսպանիայի հավաքականը։ Երկրորդ տեղում աշխարհի գործող չեմպիոն Արգենտինայի հավաքականն է։ Լավագույն եռյակը եզրափակում է Անգլիայի հավաքականը։
Տասնյակն ունի հետևյալ տեսքը.
- Իսպանիա
- Արգենտինա
- Անգլիա
- Պորտուգալիա
- Ֆրանսիա
- Գերմանիա
- Նիդերլանդներ
- Շվեյցարիա
- Նորվեգիա
- Մարոկկո
Հիշեցնենք, որ աշխարհի 2026 թվականի առաջնությունը կանցկացվի հունիսի 11-ից հուլիսի 19-ը երեք երկրներում՝ ԱՄՆ-ում, Կանադայում և Մեքսիկայում։ Առաջին անգամ աշխարհի առաջնությանը կմասնակցի 48 երկիր, որոնք բաժանված կլինեն չորս թիմից բաղկացած 12 խմբի։ Այս պահին մրցաշարին մասնակցելու իրավունք է ստացել 42 թիմ։
