Ազատ ոճի հայ ըմբիշ Արսեն Հարությունյանը գրառում է կատարել՝ լուսանկար հրապարակելով UFC-ի չեմպիոն Խամզատ Չիմաևի հետ։
«Չեմպիոն լինելը լավ բան է, բայց ամենամեծ արժեքը մարդ լինելու մեջ է։
Երբ ունես մարդկային որակներ՝ բարի սիրտ, ազնվություն, ընկերություն, քեզ հարգում ու սիրում են հենց դրա համար։
Խամզատին նայելով՝ տեսնում ես, որ հենց այդ արժեքները գնահատող, բարի ու ընկերասեր մարդ է։
Իսկ այս օրերին՝ Արմանի կողքին լինելով, իր ներկայությամբ ուժ ու վստահություն է փոխանցում Արմանին, որ հաղթի»,- գրել է Հարությունյանը։
Ինչպես ավելի վաղ տեղեկացրել էինք, UFC-ի թեթև քաշային կարգի վարկանիշային աղյուսակի առաջատար, Հայաստանը ներկայացնող Արման Ծառուկյանը սոցցանցերում տեսանյութ էր հրապարակել միջին քաշային կարգի գործող չեմպիոն Խամզատ Չիմաևի հետ։
Հայտնի է դարձել Չիմաևի՝ Կատար ժամանելու նպատակը։ Նա Դոհայում կլինի Ծառուկյանի մարտավկաներից մեկը և կօգնի հայ մարտիկին Դեն Հուկերի դեմ կարևոր դիմակայության ժամանակ։
