Մադրիդի «Ռեալում» տեղեկացրել են 18-ամյա արգենտինացի կիսապաշտպան Ֆրանկո Մաստանտուոնոյի աճուկի վնասվածքի մասին։ Այս տեղեկությունը հրապարակվել է «արքայական ակումբի» մամուլի ծառայության կողմից։
«Մադրիդի «Ռեալի» բժշկական ծառայության կողմից այսօր անցկացված հետազոտության արդյունքում մեր ֆուտբոլիստ Ֆրանկո Մաստանտուոնոյի մոտ ախտորոշվել է պուբալգիա։ Նրա ապաքինման ընթացքին հետևելու են մասնագետները», — նշված է «Ռեալի» պաշտոնական կայքի հաղորդագրության մեջ։
Ֆրանկո Մաստանտուոնոն «Ռեալի» կազմում հանդես է գալիս 2025 թվականի օգոստոսից։ «Արքայական ակումբը» երիտասարդ ֆուտբոլիստի տրանսֆերի համար արգենտինական «Ռիվեր Փլեյթին» վճարել է 45 միլիոն եվրո։ Ֆուտբոլիստը «Ռեալի» կազմում անցկացրել է 12 հանդիպում, որոնց ընթացքում խփել է մեկ գոլ և կատարել մեկ գոլային փոխանցում։
