«Լիվերպուլի» գլխավոր մարզիչ Ատնե Սլոթը հայտնել է, որ դարպասապահ Ալիսոնը վնասվածքի պատճառով չի մասնակցի ԱՊԼ-ի 7-րդ տուրի՝ «Չելսիի» դեմ խաղին: Վնասվածքը բրազիլացի դարպասապահը ստացել է Չեմպիոնների լիգայի լիգայի փուլի 2-րդ տուրի «Գալաթասարայի» դեմ խաղում (0:1):
32-ամյա Ալիսոնը վնասվածք է «Գալաթասարայի» հետ հանդիպման 55-րդ րոպեին: Բժիշկները տեղում օգնություն են ցուցաբերել, սակայն նա չի կարողացել շարունակել խաղը: Նրա փոխարեն «Լիվերպուլի» դարպասը պաշտպանել է Գեորգի Մամարդաշվիլին:
«Երբ նա հետ վազեց, ինչ-որ բան զգաց: Ես բժիշկ չեմ և չեմ կարող ճշգրիտ ախտորոշում տալ, բայց սովորաբար, երբ խաղացողը հետ է վազում, ինչ-որ ցավ զգում, ընկնում է դաշտում և չի կարողանում վեր կենալ, տասը դեպքից իննում վատագույն սցենարն ես կանխատեսում: Այս դեպքում ամենավատը նշանակում է, որ նա չի կարող շարունակել խաղը: Դա էլ տեղի ունեցավ Ալիսոնի հետ: 99.9% հավանականությամբ նա չի խաղա շաբաթ օրը», – ասել է Սլոտը The Independent-ի միջոցով:
2025/26 մրցաշրջանում Ալիսոնը բոլոր մրցաշարերում անցկացրել է 9 խաղ, բաց թողել 12 գոլ և 4 հանդիպում անցկացրել առանց գոլ բաց թողնելու:
«Լիվերպուլը» հոկտեմբերի 4-ին հյուրընկալվելու է «Չելսիին»:
