Մադրիդի «Ռեալի» ֆրանսիացի կիսապաշտպան Էդուարդո Կամավինգան նախատեսում է լքել «արքայական» ակումբը ձմեռային տրանսֆերային պատուհանի ժամանակ, հաղորդում է Sport Bible-ը։
Աղբյուրի համաձայն՝ 22-ամյա ֆուտբոլիստը դժգոհ է թիմում ունեցած իր դերից, ստացած խաղաժամանակից և գլխավոր մարզիչ Խաբի Ալոնսոյի վերաբերմունքից։ Ֆրանսիացի կիսապաշտպանը վայելում էր նախկին մարզիչ Կառլո Անչելոտիի վստահությունը, սակայն ներկայիս մարզիչը Էդուարդոյին չի տեսնում որպես մեկնարկային խաղացող։
Նշվում է, որ Կամավինգան ակումբի ղեկավարությանը տեղեկացրել է թիմը լքելու իր ցանկության մասին։ «Մանչեսթեր Սիթին» և «Մանչեսթեր Յունայթեդը» համարվում են խաղացողի ձեռքբերման համար հիմնական հավակնորդները։
Կամավինգան ընթացիկ մրցաշրջանում մադրիդյան գրանդի կազմում անցկացրել է ընդամենը երեք խաղ։ Նրա պայմանագրի ժամկետը ակումբի հետ նախատեսված է մինչև 2029 թվականի հունիս, իսկ տրանսֆերային արժեքը կազմում է 60 միլիոն եվրո։
