Մադրիդի «Ռեալի» գլխավոր մարզիչ Խաբի Ալոնսոն պատրաստ է 18-ամյա կենտրոնական պաշտպան Ժոան Մարտինեսին հրավիրել հիմնական թիմ։ Երիտասարդ խաղացողը կարող էր իր նորամուտը նշել «սերուցքայինների» կազմում մեկ տարի առաջ՝ Կառլո Անչելոտիի գլխավորությամբ, սակայն խաչաձև կապանների պատռվածքի պատճառով երկար ժամանակով դուրս մնաց շարքից։
Ակումբը շարունակում էր հավատալ Մարտինեսին, և այժմ, ըստ Madrid Universal-ի, խոստումնալից կենտրոնական պաշտպանը կարող է հնարավորություն ստանալ դրսևորելու իրեն Խաբի Ալոնսոյի գլխավորությամբ։
Սպասվում է, որ Ալոնսոն երիտասարդ խաղացողին կվստահի տեղ մեկնարկային կազմում այս մրցաշրջանի մի քանի խաղերում։ Ժոան Մարտինեսի պայմանագրի ժամկետը մադրիդյան գրանդի հետ նախատեսված է մինչև 2029 թվականը։ Ներկայումս իսպանացին խաղում է «Կաստիլյայում», որը «Ռեալի» երկրորդ թիմն է։
