Հայաստանի ազգային հավաքականը Պորտուգալիայի դեմ խաղում խոշոր հաշվով պարտություն կրեց։ Տիգրան Բարսեղյանը փորձեց «քերծել» պորտուգալական պաշտպանությունը, սակայն թիմն ընդհանուր առմամբ չկարողացավ դիմակայել մրցակցի հարձակմանը։ Այս մասին գրում է պորտուգալական «A Bola»-ն։
Տիգրան Բարսեղյան՝ (6) 31-ամյա հարձակվողը ֆիզիկապես ամուր էր և ակտիվ։ Նա ստիպեց Պորտուգալիայի դարպասապահ Դիոգու Կոշտային կատարել բարդ և գեղեցիկ սեյվ։ Բարսեղյանը փորձեց առաջ մղել թիմին, սակայն նրա ջանքերը բավարար չեղան՝ հաշվի առնելով թիմակիցների պասիվ խաղը։
Նաիր Թիկնիզյան՝ (3) Թիկնիզյանը խաղի ընթացքում տառապում էր մեջքի ցավերից, ինչն ակնհայտորեն ազդեց նրա խաղի վրա։ Ժոաու Կանսելուի հետ մենամարտում նա բավականաչափ դիմացկուն չէր, ինչը հանգեցրեց Պորտուգալիայի առաջին գոլին։
Հենրի Ավագյան՝ (4) Դարպասապահը փորձեց կանխել խոշոր հաշվով պարտությունը, սակայն բաց թողեց հինգ գոլ, որոնցից մեկում նրա մեղքն ակնհայտ էր։ Խաղի վերջում նա կատարեց գեղեցիկ սեյվ, սակայն դա այլևս չէր կարող փոխել խաղի ելքը։
Կենտրոնական պաշտպաններ՝ Մուրադյան (3), Փիլոյան (3), Հարությունյան (3)՝ Երեք պաշտպանները չկարողացան դիմակայել Պորտուգալիայի հարձակվող եռյակի արագ տեղաշարժերին և կիսապաշտպանների դինամիկ խաղին։ Նրանք գտնվում էին խառնաշփոթ վիճակում՝ չկարողանալով կանխել մրցակցի գրոհները։
Իվու (4), Զելարայան (5), Սևիկյան (6)՝ Իվուն խաղում էր մեծ ցանկությամբ, սակայն նրա վարպետությունը բավարար չէր։ Զելարայանը ցույց տվեց ընդամենը մի քանի փայլատակում, իսկ հարձակումը կենդանացավ միայն Սևիկյանի՝ խաղադաշտ մտնելուց հետո։
