«Կրասնոդարի» կիսապաշտպան և ավագ Էդուարդ Սպերցյանը գրավել է սաուդյան ակումբների ուշադրությունը, հայտնում է Arménie Football-ը։
Աղբյուրի տեղեկություններով՝ խաղացողով հետաքրքրված է նախորդ մրցաշրջանի չեմպիոն «Ալ-Իթիհադը»։ «Կրասնոդարին» արված հնարավոր առաջարկի մանրամասները չեն հաղորդվում։
Էդուարդ Սպերցյանը «Կրասնոդարի» ֆուտբոլային ակադեմիայի սան է։ Նրա գործող պայմանագիրը ակումբի հետ ուժի մեջ է մինչև 2026 թվականի ամառ։ Ըստ Transfermarkt պորտալի՝ խաղացողի շուկայական արժեքը կազմում է 25 միլիոն եվրո։
Օգոստոսին, ինչպես հայտնել էին լրատվամիջոցները, «Կրասնոդարը» մերժել էր Սպերցյանին «Սաութհեմփթոն» տեղափոխելու առաջարկը։
