Ֆուտբոլային աշխարհում Գրիգոր Մելիքսեթյան անունը կապվում է բացառիկ վարպետության, անսասան առաջնորդության և անգնահատելի ավանդի հետ այն թիմերի հաջողություններում, որոնցում նա հանդես է եկել։
Այս ականավոր դարպասապահը, ով ակումբի շրջանավարտից դարձավ ազգային հավաքականի առանցքային խաղացող, նկատելի հետք թողեց հայկական ֆուտբոլի պատմության մեջ։ Մելիքսեթյանի կարիերան լի է օրինակներով, երբ նրա գործողությունները խաղադաշտում վճռորոշ նշանակություն ունեցան հանդիպման ելքի համար։
2008 թվականին, լինելով «Փյունիկի» հայտացուցակի միակ փորձառու խաղացողը, նա երիտասարդներին դուրս բերեց Հայաստանի Սուպերգավաթի եզրափակիչ։ Նրա պրոֆեսիոնալ խաղը 1:0 հաշվով հաղթանակ ապահովեց «Բանանցի» նկատմամբ:
Հաղթանակից հետո թիմի ավագ՝ Գրիգոր Մելիքսեթյանը պատիվ ունեցավ իր գլխավերևում պահել Հայաստանի Սուպերգավաթը։ Նրա վարպետությունը մեկից ավելի անգամ փրկել է թիմին ամենալարված իրավիճակներում: ԱԱ-2017-ի ընտրական փուլի Ռումինիայի դեմ խաղում Մելիքսեթյանը փայլուն սեյվ կատարեց՝ անվրեպ շեղելով 11 մետրանոցը, ինչը նրա սառնասրտության ու վարպետության բացահայտ դրսևորումն էր: Նա նման ազդեցություն է ունեցել նաև ակումբներում. նրա պրոֆեսիոնալիզմը, կարգապահությունը և նվիրվածությունը որոշիչ դեր են խաղացել «Արարատ» ՖԱ-ի զարգացման և հաղթանակների գործում, հատկապես 2021 թվականին Հայաստանի գավաթը նվաճելու գործում:
Մելիքսեթյանի ձեռքբերումները տպավորիչ են. Նա «Փյունիկի» կազմում չորս անգամ դարձել է Հայաստանի չեմպիոն և երկու անգամ նվաճել Գավաթը, երեք անգամ՝ Սուպերգավաթը։ 2008 թվականին Գրիգոր Մելիքսեթյանն իր աչքի ընկնող խաղով ճանաչվել է Հայաստանի Բարձրագույն խմբի առաջնության լավագույն դարպասապահ։
Նա հաջողությունների է հասել նաև արտերկրում՝ «ՄԵՍ» և «Փայկան» ակումբների հետ դառնալով Իրանի առաջին լիգայի չեմպիոն և «Փայկան» ակումբի ամենաբարձր վարձատրվող լեգեոները։ «Գանձասար Կապան» ՖԱ-ի կազմում Մելիքսեթյանը անցկացնելով հինգ մրցաշրջան դարձավ թիմի ամենաառաջատար ֆուտբոլիստներից մեկը։
Այդ տարիների ընթացքում «Գանձասար Կապան»-ն իր պատմության մեջ առաջին անգամ նվաճեց արծաթե մեդալը և դարձավ Հայաստանի գավաթի չեմպիոն, ինչը թույլ տվեց թիմին մասնակցել ՈՒԵՖԱ-ի Եվրոպայի լիգայի որակավորման փուլերին:Գրիգոր Մելիքսեթյանը «Գանձասար Կապան»-ի կազմում ամենաշատ խաղեր անցկացրած դարպասապահն է՝ 112 խաղ,որը մինչև օրս չի գերազանցվել։ Նրա ազդեցությունը թիմի վրա այնքան նշանակալի էր, որ նա դարձավ ակումբի պատմության ամենաբարձր վարձատրվող խաղացողը։
Մելիքսեթյանի՝ որպես դարպասապահի ակնառու որակները բարձր են գնահատվել նրա մարզիչների կողմից։ Նա աշխատել է այնպիսի անվանի մասնագետների հետ, ինչպիսիք են Վարդան Մինասյանը, Արթուր Պետրոսյանը Խոակին Կապարոսը , Վարուժան Սուքիասյանը,Եղիշե Մելիքյանը ովքեր մշտապես բարձր են գնահատել Մելիքսեթյանի խաղային վորակները, առաջնորդելու ունակությունը , ուժեղ բնավորությունը,ատլետիկ տվյալները և թիմակիցներին ոգեշնչելու կարողությունը։
Գևորգ Մարտիրոսյան
