Եվրոպական թոփ լիգաներում ձմեռային տրանսֆերային պատուհանի փակվելուն մնացել է հաշված ժամեր։ Սովորաբար տրանսֆերային պատուհանի վերջին օրերին, ավելին՝ վերջին ժամերին, ակումբներն ամենաակտիվն են նորեկներին գրանցելու հարցում։ Ոմանք կադրային, ոմանք՝ պահեստայինների նստարանը համալրելու, ոմանք էլ՝ ավելորդ ֆուտբոլիստից բաժանվելու խնդիրներ ունեն լուծելու։
Որոշ տրանսֆերներ արդեն ձևակերպվել են այսօր, բայց որոշ գործարքներ էլ ձևակերպված են, բայց դեռ հայտարարված չեն պաշտոնապես, իսկ մի շարք տեղափոխություններ դեռ ընթացքի մեջ են։ Այնպես որ, երկուշաբթի արդեն կհայտարարվեն ևս մի շարք կարևոր գործարքների մասին։
Ստորև, այսօր կայացած գործարքներն են և մի շարք ինսայդներ, որոնք, ամենայն հավանականությամբ, պաշտոնապես կհաստատվեն արդեն երկուշաբթի։
Շնորհակալություն մեզ հետ տրանսֆերային անցուդարձին հետևելու համար ))))
Կիրակնօրյա տրանսֆերային անցուդարձը
🤫«Չելսիի» պաշտպան Բեն Չիլուելը երկուշաբթի բուժզննում կանցնի «Քրիսթալ Փելաս» տեղափոխվելու համար (Ֆաբրիցիո Ռոմանո)։
🤫 Իսպանացի պաշտպան Սերխիո Ռամոսը կտեղափոխվի մեքսիկական «Մոնտերեյ»։ Ֆուտբոլիստն արդեն մեկնում է Մեքսիկա՝ պայմանագիր կնքելու համար (Ֆաբրիցիո Ռոմանո)։
✅ «Մանչեսթեր Յունայթեդի» հարձակվող Մարկուս Ռեշֆորդը վարձավճարով տեղափոխվել է «Աստոն Վիլա»։ Բիրմինգհեմյան ակումբն ամռանը կարող է գնել ֆուտբոլիստի ամբողջական տրանսֆերը 40 մլն ֆունտի դիմաց։
🤫 «Մանչեսթեր Յունայթեդի» կողմից Քրիստոֆեր Նկունկուի կամ Լեոն Բեյլիի տրանսֆերներն այս ձմեռ ձևակերպելու հավանականությունը բավականին ցածր է (Transfer News Live)։
🤫 «Չելսիի» ֆուտբոլիստ Կարնի Չուկվուեմեկան վարձավճարով տեղափոխվում է Դորտմունդի «Բորուսիա» (Ֆաբրիցիո Ռոմանո)։
🤫 Մատիս Տելը չի տեղափոխվի «Մանչեսթեր Յունայթեդ». լրագրող Բեն Ջեյկոբսի խոսքերով, «Բավարիան» մերժել է 19-ամյա հարձակվողի համար «Մանչեսթեր Յունայթեդի» երկու առաջարկը։ Ինչպես նշում է Bayern&Germany-ն՝ հղում անելով L’Equipe-ին, «Բավարիան» ցանկանում է վաճառել Տելի ամբողջական տրանսֆերը, մինչդեռ «Մանչեսթեր Յունայթեդը» վարձավճար էր առաջարկում՝ հետագայում տրանսֆերը գնելու հնարավորությամբ:
✅ «Միլանի» մամուլի ծառայությունը լուսանկար է հրապարակել, որում մեքսիկացի հարձակվող Սանտյագո Խիմենեսն է Զալատան Իբրահիմովիչի հետ, մակագրելով այն՝ «տեսեք ով է այստեղ»։ Ավելի վաղ հայտնի էր դարձել, որ Սանտյագոն «Ֆեյենորդից» կտեղափոխվի «Միլան»։
✅ Արգենտինայի հավաքականի և «Բրայթոնի» պաշտպան Վալենտին Բարկոն վարձավճարով տեղափոխվեց «Ստրասբուր»։
🤫 Ֆաբրիցիո Ռոմանոն հայտնում է, որ «Չելսիի» հարձակվող Ժոաու Ֆելիքսի տրանսֆերի վերաբերյալ բանակցություններն «Աստոն Վիլայի» հետ բարդ են ընթանում։ Իր հերթին Ջանլուկա Դի մարցիոն հայտնում է, որ «Չելսին» կընդունի Ժոաու Ֆելիքսի վերաբերյալ առաջարկը միայն այն դեպքում, եթե դա ամբողջական տրանսֆեր լինի կամ վարձակալություն՝ տրանսֆերը գնելու պարտավորությամբ:
🎙️ «Լեգանեսից» արձագանքել էն Նաիր Թիկնիզյանի տրանսֆերից հրաժարվելու մասին հարցին։
«Իսկապես, մենք հետաքրքրություն ենք ցուցաբերել Թիկնիզյանի նկատմամբ։ Բայց մենք չենք կարող մեզ թույլ տալ գնել տրանսֆերը, դա միջոցների հարց էր», — ասել է «Լեգանեսի» մարզական տնօրեն Թեմա Ինդիասը СЭ-ին։
✅ «Ինտեր Մայամին» ձևակերպել է «Կոլո-Կոլոյի» ուրուգվայցի պաշտպան Մաքսիմիլիանո Ֆալկոնի տրանսֆերը։ Տրանսֆերի արժեքը՝ 2 մլն եվրո։
❌ «Լիդսի» մամուլի ծառայությունը հերքել է Էդուարդ Սպերցյանի տրանսֆերով հետաքրքրված լինելու տեղեկությունը (Матч ТВ)։
✅ Սերբիայի հավաքականի և «ԼԱ Գելեքսիի» հարձակվող Դեյան Յովելիչը տեղափոխվեց «Կանզաս»։ Ճիշտն ասած, հրաշալի մրցաշրջանից հետո նրան սպասում էինք տեսնել Եվրոպայում։
✅ «Մարսելի» դարպասապահ Պաու Լոպեսը տեղափոխվեց մեքսիկական «Տոլուկա»։
✅ Պատրիկ Դորգուն «Լեչեից» տեղափոխվեց ՄՅՈւ։ Դանիայի հավաքականի պաշտպանի տրանսֆերի դիմաց անգլիական գրանդը վճարել է 30 մլն եվրո (ևս 5 մլն՝ բոնուսների տեսքով)։
✅ «Այաքսի» հարձակվող Չուբա Ակպումը վարձավճարով տեղափոխվեց «Լիլ»։
✅ «Միլանի» իսպանացի հարձակվող Ալվարո Մորատան վարձավճարով տեղափոխվեց «Գալաթասարայ»։
✅ Լեհ կիսապաշտպան Նիկոլա Զալևսկին «Ռոմայից» տեղափոխվել է Միլանի «Ինտեր»։ 23-ամյա կիսապաշտպանը միլանյան գրանդ է տեղափոխվել վարձավճարով։ Պայմանագիրը ներառում է ամբողջական տրանսֆերը գնելու տարբերակ:
✅ «Տոտենհեմը» հայտարարել է «Լանսի» կենտրոնական պաշտպան Կևին Դանսոյի հետ պայմանագիր կնքելու մասին։ Հաղորդվում է, որ ավստրիացի ֆուտբոլիստը վարձավճարով միացել է անգլիական ակումբին՝ հաջորդ ամառ ամբողջական տրանսֆերը գնելու պարտավորությամբ:
✅ Չեզարե Կասադեյը միացել է «Տորինոյին». Ավելի վաղ հաղորդվում էր, որ կիսապաշտպանը կտեղափոխվի «Չելսիից» 15 միլիոն եվրոյի դիմաց։ Լոնդոնցիները կպահպանեն նաև իտալացու հաջորդ տրանսֆերի արժեքի 25%-ը:
✅ Հարավային Կորեայի հավաքականի հարձակվող Հո Յի Յունը «Գուանջուից» տեղափոխվել է «Մինեսոտա»։ Տրանսֆերի արժեքը՝ 1 մլն եվրո։
✅ «Յուվենտուսի» կիսապաշտպան Արտուրը վարձավճարով տեղափոխվել է «Ժիրոնա»։ Պայմանագիրը նախատեսված է մինչև 2024/25 մրցաշրջանի ավարտը։
✅ Խորվաթ հարձակվող Մարիո Լյուբիչիչը ավստրիական ԼԱՍԿ-ից տեղափոխվել է Բեռլինի «Յունիոն»։ Տրանսֆերի արժեքը՝ 4,5 մլն եվրո։
✅ Նորվեգիայի հավաքականի պաշտպան Սանդրե Լանգասը «Վիկինգից» տեղափոխվել է «Դերբի»։ Տրանսֆերի արժեքը՝ 4,8 մլն եվրո։
