Անգլիայի Պրեմիեր լիգայի 18-րդ տուրում «Չելսին» տանն անսպասելիորեն պարտվեց «Ֆուլհեմին»։
«Չելսիի» գլխավոր մարզիչ Էնցո Մարեսկան խաղից հետո նշեց, որ դասեր կքաղի այս պարտությունից։
«Սա պարզապես խաղ էր, որը, ցավոք, մենք պարտվեցինք։ Պարզապես պետք է վերականգնել էներգիան և փորձել կրկին դուրս գալ խաղադաշտ երեք օրից։
Մենք կարող ենք ավելի լավ կառավարել մեր խաղը։ Երկրորդ կեսում մենք չափազանց շատ անցումներ բաց թողեցինք դեպի մեր կիսադաշտ։ Նրանք շատ լավն էին անցումներում։ Սա մի խաղ է, որից մենք շատ բան կարող ենք սովորել։ Այնուամենայնիվ, կարծում եմ, որ խաղը հավասար էր, ցավոք, գոլ բաց թողեցինք խաղի վերջին րոպեներին»,- նշել է Մարեսկան։
18 տուրից հետո «Չելսին» զբաղեցնում է երկրորդ հորիզոնականը ԱՊԼ-ում՝ չորս միավորով հետ մնալով «Լիվերպուլից»։ «Կապույտները» երկու խաղ ավելի են անցկացրել։
