Անգլիական «Մանչեսթեր Յունայթեդը» կարող է ձեռք բերել «Ֆլամենգոյի» 19-ամյա բրազիլացի հարձակվողական ոճի կիսապաշտպան Լորանին, որը կարող է խաղալ հարձակման երկու եզրերում: Այս մասին հայտնում է HITC Football-ի լրագրող Գրեհեմ Բեյլին X սոցիալական ցանցում (նախկինում՝ Twitter):
Աղբյուրի համաձայն՝ անգլիական ակումբը դիտարկում է իր վինգեր Անտոնիին Բրազիլիայի առաջնությունից խաղացողի հունվարյան տեղափոխության գործարքում ընդգրկելու հնարավորությունը։ Նշվում է, որ խաղացողին, բացի «կարմիր սատանաներից», հավակնում են Պրեմիեր լիգայի ևս երկու ակումբ՝ «Վեսթ Հեմը» և «Բրայթոնը»: Այնուամենայնիվ, Անտոնիին գործարքում ներառելը կարող է առավելություն լինել «Մանչեսթեր Յունայթեդի» օգտին՝ 19-ամյա տաղանդի համար բանակցություններում:
Այս մրցաշրջանում Անտոնիին բոլոր մրցաշարերում մասնակցել է չորս հանդիպման, որոնցում դարձել է մեկ գոլի հեղինակ։ Ֆուտբոլիստի գործող աշխատանքային պայմանագիրն ակումբի հետ նախատեսված է մինչև 2027 թվականի ամառը: Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 20 միլիոն եվրո:
2024 թվականին Լորանը «Ֆլամենգոյի» կազմում անցկացրել է 38 հանդիպում։ Ֆուտբոլիստը դարձել է չորս գոլի և 5 գոլային փոխանցման հեղինակ։ Ֆուտբոլիստի գնահատված արժեքը, ըստ Transfermarkt ինտերնետային պորտալի, կազմում է 12 միլիոն եվրո: Պայմանագիրը նախատեսված է մինչև 2029 թվականի ավարտը:
