«Լիվերպուլի» հարձակվող Մոհամեդ Սալահը խոսել է իր ապագայի մասին մերսիսայդյան ակումբում:
«Ամենաշատը գնահատում եմ այն, երբ ամեն առավոտ գալիս եմ պարապելու և տղաներին տեսնելու: Մենք կիսում ենք անհավանական պահեր, հատկապես մենք երեքս՝ ես, Վիրջիլը և Տրենտը, ովքեր այստեղ ենք շատ երկար ժամանակ:
Բոբի Ֆիրմինոյի հեռանալուց հետո ես հասկանում եմ, որ բոլորն ինչ-որ պահի կհեռանան: Միշտ փորձում եմ լավ ժամանակ անցկացնել թիմակիցներիս հետ»,- ասել է Սալահը լիվերպուլյան ակումբի մամուլի ծառայությանը։
Մոհամեդ Սալահի գործող պայմանագիրն անգլիական ակումբի հետ նախատեսված է մինչև այս մրցաշրջանի ավարտը։
