Լոնդոնի «Արսենալի» գլխավոր մարզիչ Միկել Արտետան մեկնաբանել է Խոսեպ Գվարդիոլայի պահանջը՝ պարզաբանելու, թե ինչ է նա նկատի ունեցել՝ ասելով, որ գիտի, թե ինչ է կատարվում «Մանչեսթեր Սիթիում»։
«Ես կարող եմ շատ հստակ կրկնել։ Ես սիրում եմ Պեպին, հիացել եմ նրանով դեռ 10 տարեկանից։
Ես խորապես հարգում եմ նրան, ես շատ երախտապարտ եմ նրա արածի համար և շարունակում եմ երախտապարտ լինել, և ես նրան իմ ընկեր եմ համարում։ Ես սիրում և հարգում եմ բոլոր աշխատակիցներին, քանի որ նրանց հետ աշխատել եմ չորս տարի։ Երբ ասացի, որ գիտեմ, թե ինչ է կատարվում «Մանչեսթեր Սիթիում», նկատի ունեի, որ գիտեմ, թե որքան ծանր են նրանք աշխատում։
Ես չեմ տեսել, որ որևէ մեկը աշխատի այնպես, ինչպես Պեպը։ Մարզիչները, և բոլորն այդ ակումբում, անընդհատ հաղթանակներ են գրանցում, և բարձունքում մնալու պատճառն այն է, որ նրանք շարունակում են պահել իրենց հաղթանակի ծարավը։
Սա հենց այն է, ինչ ես սովորեցի և ինչ նկատի ունեի։ Եթե ցանկանում եք, կարող եմ կրկնել, բայց եթե ինչ-որ մեկը ուզում է փչացնել հարաբերությունները, ես չեմ կարող վերահսկել դա։ Իմ զգացողությունը խորն է, և դա նա շատ լավ գիտի, անձնակազմը գիտի, քանի որ ես դեռ պահում եմ կապը նրանց հետ՝ ղեկավարության, սեփականատերերի, բոլորի հետ։ Սպորտում պետք է լինի հաղթելու կամք, դա ունեն թե՛ նրանք, և թե՛ ես»,- փոխանցում է Արտետայի խոսքերը Football.London-ը։
