ՀՊԼ 8-րդ տուրում «Նոան» Աբովյանի Վահագն Թումասյանի անվան «Քաղաքային» մարզադաշտում ընդունեց «Փյունիկին» և երկու անպատասխան գնդակ ուղարկեց մրցակցի դարպասը: Խաղից հետո «Նոայի» գլխավոր մարզիչ Ռուի Մոտան խոսել է իր թիմի հաղթանակի մասին։
«Մեր կողմից շատ լավ հանդիպում էր և ես կարծում եմ՝ հենց ամենասկզբից մենք վերահսկում էինք խաղը: Որոշ փոխանցումներ որակապես այնքան լավը չստացվեցին, որքան՝ մենք կցանկանայինք, բայց մենք պայքարում էինք ազատ տարածություններ գտնելու համար: Տղաները հիանալի աշխատանք կատարեցին, որպեսզի չզիջեն իրենց դիրքերը, վերահսկեն գնդակի տեղաշարժն, իսկ գնդակը կորցնելու դեպքում՝ հայտնվեն ճիշտ տեղում ու վերադարձնեն այն:
Երկրորդ խաղակեսի վերջին 30 րոպեներին ավելի որակյալ խաղ ցուցադրեցինք, սկսեցինք ավելի շատ պահեր ստեղծել մրցակցի դարպասին, գոլ խփեցինք ու, հավանաբար, կարող էինք ևս մեկ կամ ավելի գոլ խփել: Իմ տղաներն այսօր ֆանտաստիկ աշխատանք կատարեցին: Հիանալի զգացողություն էր նաև տուն վերադառնալը: Կցանկանամ շնորհակալություն հայտնել մեր 12-րդ խաղացողին՝ մեր երկրպագուներին: Մեզ համար սա շատ լավ օր էր:
Այո, ստեղծվել էր մի իրավիճակ, որ մեր աջ պաշտպանները, դժբախտաբար, չկարողացան մասնակցել խաղին, և մենք գիտեինք, որ Հելդերը կարող է խաղալ այդ դիրքում: Երկար ժամանակ է՝ ճանաչում եմ նրան, նա շատ նվիրված տղա է ու գնդակով աշխատելու լավ որակներ ունի: Նա նաև ունի ֆիզիկական այն տվյալները, որ կարողանա խաղի ժամանակ վերևից ներքև իջնել: Ամբողջ թիմը շատ լավ աշխատանք կատարեց, իսկ հետագայում արդեն խաղից խաղ որոշում կկայացնենք:
Ոչ, գիտեի, որ վերջին հաղթանակը եղել է 2021-ին: Միշտ լավ է, երբ հաղթում ես մրցակցիդ: Իսկապես, չեմ նայում ռեկորդներին. դա չէ, որ մեզ կամ անձնապես ինձ կարող է մոտիվացնել: Մեր ձգտումն ու նպատակը յուրաքանչյուր խաղում հաղթելն է. երբեմն դա տեղի է ունենում, երբեմն՝ ոչ: Սա է մեր նպատակը՝ հաղթել յուրաքանչյուր խաղում, որին մասնակցում ենք:
Այո, դա այն է, ինչի ուղղությամբ մենք աշխատում ենք: Առաջին կեսում այդ կապն այդքան էլ չէր ստացվում, սկզբում մեր կիսադաշտում, հետո արդեն դրա սահմաններից դուրս՝ ձախ կամ աջ պաշտպանների հետ, բայց երկրորդ կեսում դիրքային առումով որոշ շտկումներ արեցինք: Դա այն է, ինչ ինձ դուր է գալիս որպես մարզչի: Դա այն է, ինչի շուրջ մենք աշխատում ենք: Ուրախալի է, երբ տեսնում ես, որ այն, ինչի վրա դու աշխատել և մարզվել ես, տալիս է իր արդյունքը: Թիմային շատ լավ գոլ էր:
Այո, խաղում էին մրցակցի հարկի տակ, գիտեմ, որ նաև հարգանք են տածում մեր հանդեպ: Սպասում էի, որ ավելի պաշտպանողական ֆուտբոլ կխաղան, մենք ինքներս էլ նրանց «ստիպում էինք» նահանջել՝ ավելի մեծ տարածություններ գտնելու համար: Կարծում եմ՝ ավելի ուրախալի էր մեզ համար, որ կարողացանք գտնել այդ տարածությունները: Ինչպես ասացի՝ տղաները դիրքային, այդ թվում՝ խաղակցվածության առումով շատ լավ տեսք ունեին այսօր:
Անկեղծ ասած՝ հիասթափեցնող է, քանի որ երբ մենք դուրս ենք գալիս խաղադաշտ, ցանկանում ենք առաջ գնալ, ներդնել ամեն ինչ: Ես այն մարզիչներից չեմ, որոնք ցանկանում ենք ժամանակ վատնել, քանի որ դա նաև գցում է խաղի տեմպը: Լավ չէ, երբ նման բան է տեղի ունենում: Լավ, պատահականություն է, նման բաներ լինում են, բայց չեմ ցանկանում, որ դա այսքան հաճախ տեղի ունենա: Դրանից հետո պետք է հնարավորինս շուտ հոգեբանորեն վերադառնանք խաղին, փորձենք իրադարձություններն ի նպաստ մեզ զարգացնել և հասնել ամենաբարձր մակարդակին:
Անկեղծ ասած՝ ի սկզբանե մենք ունեցել ենք նման ծրագրեր և հենց այդ պատճառով ենք ձեռք բերել խաղացողների, որոնք մրցակցություն են ստեղծել մեր թիմում: Իհարկե, գիտենք, որ հեշտ չի լինելու, բայց ինչպես ասացի՝ հենց մրցաշրջանի մեկնարկից մենք պատրաստվել ենք դրան: Դա այն է, ինչ պետք է հաղթահարենք: Պետք է նայենք նաև խաղացողների ֆիզիկական վիճակին, քանի որ վերականգնման գործընթացը շատ կարևոր է: Պատրաստ ենք դրան: Եթե անկեղծ, ես նախընտրում եմ լինել այս երկու առաջնություններում, և ոչ՝ մեկում:
