Ուկրաինացի դարպասապահ Անդրեյ Լունինի ապագան կարող է անսպասելի զարգացումներ ստանալ։ «Ռեալի» հետ պայմանագիրը երկարաձգելու կամ եվրոպական ակումբ տեղափոխվելու փոխարեն դարպասապահը կարող է տեղափոխվել Սաուդյան Արաբիայի առաջնություն։
Լունինի պայմանագիրը «Ռեալի» հետ ավարտվում է հաջորդ ամառ, և դրա երկարաձգման հարցում առաջընթաց չկա. դարպասապահի նկատմամբ հետաքրքրություն են ցուցաբերում անգլիական թոփ-ակումբները։ Սակայն այժմ երրորդ սցենարն է ի հայտ եկել: Ինչպես հայտնել է իտալացի լրագրող Ռուդի Գալետտին X սոցիալական ցանցի իր էջում (նախկինում՝ Twitter), Լունինը հավանություն է տվել Սաուդյան Արաբիայի սուվերեն հիմնադրամի (PIF) ներկայացուցիչների հետ հանդիպմանը:
Կողմերը կբանակցեն հաջորդ շաբաթ, և Անդրեյի նպատակը շահավետ առաջարկ ստանալն է։
Ինսայդերը նշել է, որ Սաուդյան Արաբիայի երկու բարձրակարգ ակումբներ այժմ նոր դարպասապահ են փնտրում՝ «Ալ-Նասր»-ը և «Ալ-Իթթիհադ»-ը: Սակայն, բացի Լունինից, նրանք բանակցություններ են վարում նաև «Մանչեսթեր Սիթիի» դարպասապահ Էդերսոնի և «Լիվերպուլի» դարպասապահ Էլիսոն Բեքերի հետ։
